Lihim na pagkatao

Sa bahay ng pamilya Ruiz,tatlong babae ang nakaupo sa sofa.Nagpapakita ng kaakit akit na ganda ang mga ito,na kahit na sinuman ang titingin sa kanila hindi maiiwasang hindi mabighani sa mga ito.

Isa sa mga ito ay si Jasmine na nasa edad na 21,ang asawa ni Lester na pinaka may maamong mukha sa tatlong kababaihan na nakaupo sa sofa.Kasama nito ang kanyang nakababatang kapatid na kasalukuyang nag aaral sa sekondarya na si Ella.Bagamat nasa murang edad hindi mapagkakamalang high school student lang ito dahil sa katangkaran at hubog na ng husto ang katawan ni Ella.

Ang isa naman ay ang kanyang ina na si Liza,bagamat nasa edad na 50's hindi pa rin kumukupas ang taglay nitong kagandahan dahil sa pag iingat nito sa kanyang pangangatawan at lalong lalo na sa kanyang mukha na wala kang mababakas na kulubot na sanhi ng katandaan.Kapag magkakasama ang tatlo mapagkakamalan silang magkakapatid na hindi gaanong nalalayo ang mga edad.

Tatlong taon nang kasal sina Lester at Jasmine,ngunit hindi man lamang sila nagtatabi sa higaan.Sa sahig natutulog si Lester sa loob ng tatlong taon.Katulong ang turing sa kanya sa bahay ng mga Ruiz.Pagluluto,paglilinis ng buong bahay na may dalawang palapag,pamamalengke at kung minsan yan utusan kung may mga kailangan ipagawa ang mga ito sa kanya.

Samantala habang kasalukuyang naghuhugas ng pinagkainan si Lester narinig niya ang sigaw ng kanyang biyenan na si Liza na tinatawag ang kanyang pangalan kaya agad nitong iniwan ang kanyang mga hugasin upang lapitan ito.

"Lester nalabhan mo na ba ang aking damit na isusuot para sa kaarawan ng aking biyenan bukas?" agaran naman ang sagot ni Lester "hindi ko pa natatapos pero ibinabad ko na ito sa sabon at mamaya pagkatapos ko sa hugasin lalabhan ko na ito para matuyo agad".Napasimangot at umirap na lang ito kay Lester at agad na tumayo at tumungo sa kanyang silid upang ayusin ang iba pang mga gamit na kanyang susuotin sa nasabing okasyon.

Si Jasmine ay nagwika ng "kapag tapos mo na ang mga gawaing bahay tumungo ka sa merkado at bumili ng ating pananghalian at isama mo na rin ang pang hapunan.Ubos na ang mga stocks natin kaya kailangan mo na mamili."Agad naman itong kumuha sa kanyang pitaka upang iabot kay Lester ang perang gagamitin sa pamimili.Tumalikod din agad si Lester at tumungo sa kusina upang ipagpatuloy ang kanyang naantalang gawain